Hăm jơhngâm đon chơt hơiă, 2 păh tơchĕng ‘lơ̆ng păng tôch lăp đon găh tơdrong jang tŏk pran ‘lơ̆ng, tôm tơdrong đơ̆ng tơdrong pơvei Việt Nam-Nhật Bản păng jơhngâm đon ‘mêm băt băl roi đunh roi ‘lơ̆ng đơ̆ng kon pơlei 2 teh đak.

Kơdră teh đak pơma hơdăh, dôm ‘măng năm hơpong gĭt kăl tơ̆ Việt Nam đơ̆ng Ƀok pơtao păng hơkăn ƀok Pơtao sơnăm 2017 păng ‘măng năm hơpong tơpă tơ̆ Việt Nam đơ̆ng Ƀok pơtao sơnăm 2009 ƀât oei năng jĭ Kon ƀok pơtao đei rơih vă tŏk pơtăl sơ̆, kŭm nhen ‘măng năm hơpong lơ̆m khei 9 âu ki đơ̆ng Kon ƀok pơtao Akishino hăm hơkăn sư hlôi pơjing đei tơdrong ‘lơ̆ng lơ̆m jơhngâm đon đe Kơdră chĕp kơ̆l păng kon pơlei Việt Nam, tơgop pơm pơ ‘lơ̆ng hlŏh dơ̆ng đon lui, hlôh vao băl đơ̆ng kon pơlei 2 teh đak, hơnhăk tơdrong pơvei Việt Nam-Nhật Bản tŏk Jing tơdrong pơvei gĭt kăl, jang hơdoi tôm tơdrong yoa tơdrong rơngei păng hơnŭk hơnoa tơ̆ Châu Á păng lơ̆m apŭng plenh tĕh. Kơsơ̆ lơ̆m năr, tơ̆ Hnam ƀok pơtao, Ƀok pơtao hăm hơkăn ƀok pơgơ̆r et xa, pơma nuh hăm Kơdră teh đak Võ Văn Thưởng păng hơkăn ƀok.