Tơ̆ jơ pơma nuh, Kơdră teh đak Võ Văn Thưởng roi tơbăt ăn anih tĕch mơdro, bơngai tơmât jên jang đơ̆ng Mi găh dôm tơdrong tơgŭm, trong jang đunh đai đơ̆ng Việt Nam vă atŏk tơiung mŭk drăm; pơma hơdăh, lơ sơnăm âu ki, Mi jĭ teh đak jang xa, tĕch mơdro hơdoi gĭt kăl hăm Việt Nam.

Kơdră teh đak pơma hơdăh, tơdrong 2 teh đak pơm hơtŏk tơdrong pơvei jing jang hơdoi gĭt kăl tôm tơdrong ‘nŏh jĭ tơdrong ‘lơ̆ng vă anih tĕch mơdro Mi hơtŏk tơdrong jang xa, tĕch mơdro hăm anih tĕch mơdro, mă loi jĭ hăm dôm tơring tơ̆ Việt Nam.

Găh 1,2 tơdrong oei găn trong tơdrong jang xa hơdoi đơ̆ng 2 teh đak, Kơdră teh đak Võ Văn Thưởng hơpơi ‘mĕh dôm anih tĕch mơdro Mi vang tơlĕch nơ̆r pơma vă Khul kơdră teh đak Mi jăh drơ̆ng nơ̆r ăn trong jang mŭk drăm hiôk hian đơ̆ng Việt Nam; jăh tơlĕch Việt Nam đơ̆ng hơnăn găn ƀiơ̆ tơdrong tơgŭm hăm kơchơ̆t bán dẫn vă pơjing tơdrong ‘lơ̆ng ăn dôm tơdrong jang hơdoi đơ̆ng 2 teh đak.