Chih nơ̆r tơbăt tơ̆ Hnam soi Ƀok, Kơdră tĕh đak bơ̆n tơƀôh jơhngâm đon rim jơhnơr ƀlŏk băt kŏng tih tên đơ̆ng Ƀok Hô ‘mêm kơ eng. Bơ̆n chăl kon sâu vă ling lang hŏk pơhrăm, jang kiơ̆ jơhngâm đon ‘lơ̆ng, đon jang tơnăp đơ̆ng Ƀok; Mât mĭnh ƀơ̆r đon adrin jang, “Pơjing mĭnh tĕh đak Việt Nam rơngei hiôk hian, kơjăp ‘lơ̆ng, kon pơlei pơm tơm păng pơdrŏng hơnŭk hơnoa, vang tơgop tơgăl ăn tơdrong jang kăch mang kơ apŭng plenh tĕh” kiơ̆ nơ̆r Tơtă đơ̆ng Ƀok.

Tơbăt ‘măng mă 54 sơnăm năr Ƀok lôch hơchăng, 54 sơnăm bơ̆ jang kiơ̆ Nơ̆r tơtă đơ̆ng Ƀok, kŭm jing jơnăr vă đĭ đăng Đảng, đĭ đăng kon pơlei păng đĭ đăng khul linh ƀlŏk hơdơ̆r, tơƀôh jơhngâm đon bơnê tôch ai hăm kŏng tih tên đơ̆ng Ƀok hăm hơdrĕch Việt Nam. ‘Nâu kŭm jing jơnăr vă đĭ đăng bơ̆n hơnơ̆ng hŏk pơhrăm păng pơm kiơ̆ jơhngâm đon ‘lơ̆ng đơ̆ng Ƀok Hô. Kiơ̆ đơ̆ng noh, tưk tơiung đon lui păng đon hơpơi ‘mĕh jang tŏk đơ̆ng hơdrĕch bơ̆n vă pơjing tĕh đak Việt Nam pran kơtang, dang ăi hăm dôm tĕh đak pơdrŏng đei ƀôh lơ̆m plei tĕh nhen thoi đon hơ pơi ‘mĕh đơ̆ng Ƀok Hô.