Kơdră teh đak păng khul jang kŭp yom, sŏh nhang, plang pơyơ̆r pơkao ăn Ƀok Hô, kơdră chĕp kơ̆l tôch rơgei kơ Đảng păng kon pơlei bơ̆n, Bơngai tơblăh kơtang iŏk rơngei ăn hơdrĕch hơdrung, Bơngai tôch gơ̆h hơgei. ‘Mêm bơnê, lui yom tôch pơneh păng tôch čhôk ‘nă kơ Ƀok Hô, Kơdră teh đak păng khul jang vă hơnơ̆ng hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok.

Anih gru groa so gĭt kăl kơ teh đak Kim Liên, jĭ 1 lơ̆m dôm anih gru groa tôch gĭt kăl găh jơhnơr arih păng tơdrong jang đơ̆ng Ƀok Hô, oei hơlam 2 xăh Kim Liên păng Nam Giang, đei Anih gru groa plei Hoàng Trù; Anih gru groa Plei Sen. Anih oei chĕp vei ‘măn răk lơ tơmam ƀơm truh pơlei pơla, unh hnam, chăl păh iung păng 2 ‘măng Ƀok Hô vih ngôi tơ̆ pơlei sơ̆.