Tơ̆ jơ sơng, Kơdră tĕh đak hơiă hăm Kơdră tang măt Samina Naz hlôi jang đang ‘lơ̆ng tơdrong jang lơ̆m 6 sơnăm bơ̆ jang tơ̆ Việt Nam; tơchĕng ‘lơ̆ng dôm tơdrong tơgop tôch hơiă păng đei yoa đơ̆ng yă Samina Naz lơ̆m tơdrong pơm pơ ‘lơ̆ng hlŏh dơ̆ng tơdrong pơvei păng jang hơdoi Việt Nam-Bangladesh khei ‘năr âu ki.

Kơdră tĕh đak lui, mă đơ̆ng jang kơ chư̆k kiơ, tơdrong jang kiơ, Yă tang măt hơnơ̆ng ‘măn lơ jơhngâm đon ‘lơ̆ng hăm tĕh đak, kon bơngai Việt Nam, ling lang jĭ boăl juăt, hơnơ̆ng tơgop pơm pơ ‘lơ̆ng hlŏh dơ̆ng tơdrong pơvei đơ̆ng Việt Nam păng Bangladesh. Akhan tơdrong vă jang hơdoi đơ̆ng 2 păh oei tôch lơ, Kơdră tĕh đak athei 2 tĕh đak hơtŏk tơdrong jang hơdoi tơ̆ hơnăp kơnh, mă loi jĭ pơgơ̆r ăn khul jang kơpal păng rim khul grŭp chă tơƀâp, pơma nuh hăm băl kiơ̆ đơ̆ng nŏh tưk tơiung tơdrong jang hơdoi găh rim tơdrong.