Kơdră teh đak hmach thơ thâu kơ dôm Bơngai tang măt iŏk hơnăp bơ̆jang tơ̆ Việt Nam, ‘meh vă dôm Bơngai tang măt hăm tơdrong hlôh vao đơ̆ng kơdih, tơgop pơtrŭt tơdrong pơvei 2 pang đơ̆ng Việt Nam păng dôm teh đak. Sơng Bơngai tang măt teh đak Bulgari, Kơdră teh đak akhan, Việt Nam păng Bulgaria jĭ teh đak jang hơdai gĭt kăl păng athei 2 teh đak hơnơ̆ng pơma dơnuh kơdră kơpal păng rim kơdră, tơƀơ̆p tơring păng tơƀơ̆p băl kon pơlei, kiơ̆ đơ̆ng noh pơm tơdrong kơjăp ăn jang hơdai 2 teh đak.

Yua thoi noh, 2 teh đak kăl hơnơ̆ng pơtrŭt jang hơdai păng tơgŭm băl lơ̆m dôm hop akŏm apŭng plĕnh teh păng lơ pang. Bơngai tang măt teh đak Cộng hòa Phalăng tơƀôh hăm ƀok Võ Văn Thưởng jơhngơ̆m đon chhôk ‘nă đei iŏk hơnăp bơ̆jang tơ̆ Việt Nam lơ̆m khei ‘năr tơdrong pơvei tơbôl 2 teh đak hơtŏk tơiung ‘lơ̆ng hơiă. Tơ̆ hơnăp kơnh, Phalăng gô tŭn pran jang hơdai hăm Việt Nam găh khoa hŏk, pơtho pơhrăm, mă loi ‘noh jĭ pơtho pơhrăm đại học.