Pơma tơ̆ jơ sơng, Kơdră teh đak ăn tơbăt: lơ̆m lơ sơnăm âu ki, Việt Nam hơnơ̆ng adrin, mât mĭnh ƀơ̆r đon lơ̆m tơdrong pơvei ‘lơ̆ng hơiă păng ƀĕnh jơhngâm đon ‘mêm kơ eng, kŭm hăm dôm anih jang, khul grŭp, bôl boăl lơ̆m apŭng plenh tĕh pơm pơhơi ƀiơ̆ tơdrong ơh sơ ‘ngon đơ̆ng kon bơngai, tơgŭm păng vei lăng dôm bơngai ƀônh pŭ răm lơ̆m rim tơdrong. Chĕp vei, tưk tơiung tơdrong juăt ‘lơ̆ng hơiă ‘nŏh đơ̆ng hơdrĕch hơdrung, Đảng, teh đak Việt Nam hơnơ̆ng tơrĕk truh rim tơdrong jang tơgŭm dŏng đơ̆ng teh đak kơdih păng đơ̆ng apŭng plenh teh.

Kơdră teh đak hơpơi ‘mĕh, tơ̆ hơnăp kơnh, Jơnŭm ‘long pơglang ƀrê păng Rang khei tơƀang apŭng pkenh teh, Anih ‘long pơglang ƀrê apŭng plenh tĕh păng dôm anih jang hơdoi găh tơdrong tơgŭm dŏng hơnơ̆ng ‘măn ăn Việt Nam tơdrong tơrĕk, tơgŭm ‘lơ̆ng, hơnhăk tơdrong pơvei jang hơdoi đơ̆ng Jơnŭm ‘long pơgang Việt Nam roi ‘lơ̆ng, roi đei yoa, pơjing lơ trong jang hơdoi kơjăp ‘lơ̆ng vă Việt Nam gơ̆h tơgop lơ ƀiơ̆ ăn dôm tơdrong jang dŏng tơgŭm lơ̆m apŭng plenh teh.