Pơma tơ̆ jơ sơng, Kơdră teh đak Võ Văn Thưởng kơkuh chơt hơiă kơ Lý Thư Lỗi chĕp kơ̆l Khŭl tang măt Đảng Cộng sản Trung Quốc năm ngôi tơ̆ Việt Nam păng vang pơgơ̆r Hop akŏm Lý luận ‘măng mă 18 đơ̆ng 2  Đảng. Kơdră Anih tơroi tơbăt Trung ương Đảng Cộng sản Trung Quốc Lý Thư Lỗi lăng ‘lơ̆ng dôm nơ̆r tơgop đơ̆ng Kơdră teh đak Võ Văn Thưởng găh pơtrŭt tơdrong pơvei jang hơdai đơ̆ng 2 Đảng, 2 teh đak kŭm nhen dôm tơdrong pơih tơƀôh găh hơtŏk ‘lơ̆ng đei yua jang hơdai đơ̆ng Ban Tuyên giáo Trung ương Đảng Cộng sản Việt Nam păng Anih tơroi tơbăt Trung ương Đảng Cộng sản Trung Quốc.

2 Anih jang gô tŭn pran hloh dơ̆ng jang hơdai, pơma dơnuh tơdrong hlôh vao lơ̆m tơdrong jang đon tơchĕng joh ayŏ, hơtŏk loi dơ̆ng tơroi tơbăt ‘lơ̆ng găh tơdrong joăt joe tơbôl păng dôm jơnei ‘lơ̆ng hơiă lơ̆m tơdrong pơvei jang hơdai đơ̆ng 2 teh đak, tơgop hơnơ̆ng pơtrŭt tơdrong pơvei tơbôl joăt joe Việt Nam – Trung Quốc.