Kơdră teh đak Võ Văn Thưởng sơng Kơdră chĕp kơ̆l Khul juăt jang Nhật-Việt
Thứ sáu, 14:33, 01/12/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Hơnơ̆ng bơ̆ jang tơ̆ plt Fukuoka lơ̆m ‘măng năm hơpong tơ̆ teh đak Nhật Bản, pơgê 30/11, kiơ̆ jơ tơ̆ tơring, Kơdră teh đak Võ Văn Thưởng sơng dôm bơngai tang măt ăn Khul juăt jang Nhật-Việt, yoa giáo sư Mitsuo Ochi, Hiê̆u trơng Hnam trưng Đăi hŏk Hiroshima chĕp kơ̆l kŭm hăm lơ giáo sư, tiễn sĩ, bơngai jang khoa hŏk, bơngai juăt jang găh lơ tơdrong oei bơ̆ jang tơ̆ dôm Hnam trưng đăi hŏk, anih tơchĕng hơlen păng dôm khul jang nai tơ̆ Nhật Bản.
Hơiă mưh đei tơƀâp Giáo sư Ochi păng dôm bơngai jang lơ̆m Khul, Kơdră teh đak pơma hơdăh, dôm tơdrong jơnei đơ̆ng jang hơdoi kơ 2 teh đak Việt Nam-Nhật Bản khei ‘năr âu ki, đei lơ tơdrong tơgop tih đơ̆ng kon pơlei 2 teh đak, lơ̆m noh đei Khul juăt jang Nhật-Việt, mă loi jĭ găh tơdrong jang khoa hŏk kơmăy kơmŏk, pơtho pơhrăm.
Hăm tơdrong 2 teh đak hơtŏk tơdrong pơvei jang hơdoi gĭt kăl, tôm tơdrong, ‘nâu jĭ tơdrong ‘lơ̆ng vă Khul hơnơ̆ng pơm hơtŏk dôm tơdrong jang hơdoi hăm Việt Nam. Drơ̆ng nơ̆r hăm Giáo sư Ochi găh tơdrong Khul hơpơi ‘mĕh jang hơdoi hăm Việt Nam lơ̆m rim tơdrong, Kơdră teh đak ăn tơbăt, ‘nâu jĭ dôm tơdrong mă Việt Nam tôch ‘mĕh vă, hơdai hăm ‘nŏh athei Khul hơnơ̆ng tơlĕch trong jang hơdoi mă hơdăh tơ̆ hơnăp kơnh.
Viết bình luận