Hôn bơnê păng hơiă kơ Thủ tướng Malaysia ‘măng mă blŭng năm hơpong Việt Nam hăm kơchư̆k pơm Thủ tướng, Kơdră tĕh đak pơma hơdăh ‘măng năm hơpong pơjing jơhngâm pran ‘nao ăn tơdrong pơvei jang hơdoi gĭt kăl đơ̆ng 2 tĕh đak.

Hơiă hăm Khul kơdră tĕh đak Malaysia hlôi tơlĕch jang đei dôm tơdrong jang atŏk tơiung mŭk drăm tơpôl, Kơdră tĕh đak lui, Malaysia vă bơ̆ jang đei Trong jang 5 sơnăm ‘măng mă 12 păng trong jang Malaysia Madani, tơgŭm ăn tĕh đak jang tŏk pran kơjăp păng hơnŭk hơnoa, đei hơnăp jang păng anih dơ̆ng roi đunh roi kơjung tơ̆ tơring păng lơ̆m apŭng plenh tĕh.

Ƀar ‘nu kơdră hôn bơnê tơdrong pơm hơtŏk tơdrong pơvei lơ pang, đei hloi tơdrong pơvei đơ̆ng Đảng, Tĕh đak, Khul kơdră tĕh đak; hơtŏk tơdrong jang hơdoi găh khul linh, vei sơđơ̆ng, jang mŭk drăm, tĕch mơdro, tơmât jên jang, pơtho pơhrăm, chă tơmang lăng, jŏh ayŏ kơ dŏ xoang...