Kơdră teh đak Võ Văn Thưởng hôn bơnê păng tơƀôh đon hơiă tơƀâp dơ̆ng Thủ tướng Hun Manet lơ̆m ‘măng năm hơpong tơ̆ Việt Nam; pơma hơdăh Việt Nam hơnơ̆ng năng kăl păng hơpơi ‘mĕh hơmet kơjăp tơdrong pơvei jang tơbôl păng jang hơdoi tôm tơdrong hăm Campuchia.

Ƀar ‘nu ƀok Kơdră drơ̆ng nơ̆r hơtŏk hlŏh dơ̆ng tơdrong jang hơdoi chinh trĭ, khul linh vei sơđơ̆ng, jang mŭk drăm, tĕch mơdro, jang khoa hŏk kơmăy kơmŏk, choh jang xa, chă tơmang lăng, pơvei kon pơlei; hơnơ̆ng hơtŏk tơdrong jang hơdoi găh pơtho pơhrăm păng hơtŏk khul bơngai jang rơgei; vang jang hơdoi tưk tơiung tơdrong roi tơbăt, pơtho tơƀôh ăn kon pơlei 2 teh đak, mă loi jĭ jơhnơr mơ lôh găh tơdrong juăt pơvei hăm băl đơ̆ng sơ̆ păng dôm tơdrong jơnei đơ̆ng tơdrong pơvei ‘lơ̆ng hơiă păng jang hơdoi tôm tơdrong Việt Nam - Campuchia.