Kơdră chĕp kơ̆l dang ei kơ IAEA hơiă hăm Kơdră tĕh đak Võ Văn Thưởng năm ngôi tơ̆ Anih jang kơ IAEA, tơƀôh đon năng kăl đơ̆ng tĕh đak Việt Nam mưh jang hơdoi hăm IAEA.

Kơdră tĕh đak Võ Văn Thưởng bơnê IAEA, lơ̆m khei ‘năr đei jĭ Covid-19 hlôi pơtruh ăn Việt Nam lơ tơmam pơyoa ăn jang pơgang, atŭm hăm ‘nŏh pơtho tơƀôh, pơtruh kơmăy kơmŏk set hơlen jĭ, tơgŭm ăn Việt Nam tang găn ‘lơ̆ng tơdrong jĭ păng jang tơiung ming mŭk drăm, tơpôl hrĕnh.

Ƀar păh drơ̆ng nơ̆r akhan, tơdrong jang hơdoi đơ̆ng IAEA păng Việt Nam oei tŏk pran ‘lơ̆ng, đei 2 tơdrong jang tôch đei yoa găh tơmât yoa hạt nhân vă hơmet jĭ đơ̆ng kon tơrong păng hơmet pơ ‘lơ̆ng râm rĕk nhuơ̆ tơ̆ đak dơsĭ.