Tơdrong tơƀơ̆p đei pơgơ̆r ƀơ̆t dôm bơngai tang măt năm akŏm Tơdrong Pôk pơ-ư bơngai jang rơgei kơyuơ Anih tơm Kŏng ang pơgơ̆r păng pơm kiơ̆ Khei pơm jang tang găn păng tơjră ma twĭ (khei 6/2023). Pơma ăh 'măng tơƀơ̆p, Kơdră teh đak bơ̆n pôk bơnê kơ tơdrong hơdrin, dôm tơdrong jang đei jơnei kăp gĭt mă khul linh hlôi đei iŏk jơnei lơ̆m khei năr âu ki, mă hăt noh 140 khul jang, bơngai jang rơgei, tơpôl kon pơlei đei lơ tơgop lơ̆m tơdrong jang tang găn păng tơjră ma twĭ ăh 'măng tơƀơ̆p, Kơdră teh đak akhan, âu jing dôm um ai jang rơgei, jing dơnơm tơgop pơm ăn tơdrong tang găn păng tơjră ma twĭ roi năr roi đei jơnei hloh. Kơdră teh đak hơpơi 'meh, roi năr roi đei lơ kon pơlei vang jang kơjăp lơ̆m jang hadoi hăm khul juăt jang kơpal, atŭm jơhngơ̆m “kơyuơ minh tơpôl ưh đei ma twĭ”, hơ 'nhăk ăn kon hơ-ioh mă hlôi yak glăi kơ trong gơh chôt vih hơrih hơ-iă hăm tơpôl.