Pơma tơ̆ jơ tơƀơ̆p muh măt, Ƀok kơdră teh đak Võ Văn Thưởng pơma hơdăh, Đảng, Teh đak lăng kăl hơtŏk tơiung choh jang sa, kon pơlei jang chŭn mir, tơring tơrang ‘noh jĭ tơdrong jang gĭt kăl, Kơdră teh đak pơma hơdăh, dôm jơnei tih tên đơ̆ng “Tơplih ‘nao”, anih dơ̆ng, bưng ai, tơdrong ‘lơ̆ng kơ teh đak đei đăi nhen hrei ‘nâu đei tơdrong tơgop gĭt kăl đơ̆ng choh jang sa, kon pơlei jang chŭn mir, tơring tơrang.

Tơroi truh tơdrong hơgăt hơnhăk Việt Nam jing teh đak hơtŏk tơiung đei iŏk yua lơ lơ̆m sơnăm 2045, Ƀok Võ Văn Thưởng athei Grŭp jang vei lăng găh Choh jang sa păng Hơtŏk tơiung tơring tơrang hơdrin tơroi tơbăt, krao hơvơn kon pơlei jang chŭn mir tơplih pran kơtang, ‘lơ̆ng, tôm tơdrong găh đon tơchĕng pơyua ăn kơ dih jing pơm tơlĕch tih, lăp hăm pơm tơlĕch tơmam păng mŭk drăm tĕch mơdro; tơgŭm kon pơlei jang chŭn mir athei jing bơngai jang choh jang sa.