Kơdră teh đak bơ̆n ƀok Võ Văn Thưởng hmach chơt hơiă kơ yă Claudia Arpa đei pôk pơm Kơdră Thượng viện Áo. Tơƀôh jơhngơ̆m chhôk hơiă năm ngôi tơ̆ Áo lơ̆m khei ‘năr tơdrong pơvei 2 teh đak tŏk bŏk hơtŏk tơiung ‘lơ̆ng, Ƀok Võ Văn Thưởng pơma hơdăh Việt Nam ling lang lăng kăl hơmet ming păng hơtŏk loi dơ̆ng tơdrong pơvei hăm Áo, bơnê tơdrong bơngơ̆t truh, tơgŭm đơ̆ng Thượng viện Áo hăm tơdrong hơtŏk tơiung mŭk drăm - tơpôl păng mơ̆t jang hơdai apŭng plĕnh teh đơ̆ng Việt Nam.

Vă hơtŏk loi dơ̆ng jang hơdai Nghị viện 2 teh đak, Ƀok Võ Văn Thưởng athei 2 păh tŭn pran pơma dơnuh khŭl rim kơdră vă hơtŏk tơdrong lui ngeh chĭnh trĭ, pơm tơdrong hiôk ăn jang hơdai 2 pang, jang hơdai kơjăp tơ̆ dôm hop akŏm 2 nghị viện tơring păng apŭng plĕnh teh. Việt Nam ling lang pơm gơng tơƀưh pơtrŭt jang hơdai đơ̆ng Nghị viện Áo păng jơnŭm jang hơdai Nghị viện ASEAN.