‘Nâu jĭ dôm bơngai jang ‘lơ̆ng lơ̆m hŏk pơhrăm, pơm kiơ̆ jơhngơ̆m đon ‘lơ̆ng đơ̆ng Ƀok Hồ, đei tơgop tơ găl lơ̆m tơdrong jang Đoàn păng tơdrong jang hơdruh tơdăm hơioh, đei đe lui păng bưng ai ‘lơ̆ng lơ̆m đoàn viên, hơdruh tơdăm Grŭp dôm anih jang Trung ương. Kơdră Teh đak Võ Văn Thưởng hmach thơ thâu, pôk pơ ư dôm bơngai tang măt hơdruh tơdăm hơgei Grŭp dôm anih jang Trung ương găh dôm jơnei hlôi iŏk đei khei ‘năr âu ki, hơdai hăm pơma hơdăh găh tơdrong gĭt kăl đơ̆ng hơdruh tơdăm Grŭp dôm anih jang Trung ương pơma hơdrô̆, hơdruh tơdăm lơ̆m teh đak pơma atŭm lơ̆m tơdrong jang pơ jing păng vei lăng Teh đak.

Kơdră teh đak ‘meh vă rim đoàn viên hơdruh tơdăm mă đơ̆ng tơ̆ anih jang hơyơ kŭm athei jang mă ‘lơ̆ng tơdrong jang đơ̆ng kơ dih hăm jang tơnăp păng ‘lơ̆ng hloh vă pơyua ăn teh đak, pơyua ăn kon pơlei, tơgăl ‘noh jĭ bơngai hơdruh tơdăm hơgei.