Pơma tơ̆ lêh tơlĕch jang, Kơdră teh đak Võ Văn Thưởng pơma truh nơ̆r pơtho đơ̆ng Ƀok Hô ‘mêm kơ eng: “Pơyan Puih mak jĭ Tết pơtăm ‘long – Pơm ăn teh đak roi đunh roi ‘lơ̆ng rŏ,” đơ̆ng pơyan Puih mak sơnăm 1960 truh dang ei, rim ‘măng Tết truh, pơyan puih mak vih, kon pơlei bơ̆n pơgơ̆r dơ̆ng “Tết pơtăm ‘long.”

Kơdră teh đak hơpơi ‘mĕh tơ̆ hơnăp kơnh, rim kơdră chĕp kơ̆l đảng, Khul kơdră pơgơ̆r tơring, Mặt trận Tổ quốc, khul grŭp tơpôl păng kon pơlei Tuyên Quang hăm tơdrong juăt đơ̆ng pơlei jang kăch mang, hăm đon ‘mĕh pơjing pơlei pơla, teh đak roi đunh roi pơdrŏng ‘lơ̆ng rŏ, gô đei trong bơ̆ jang rơđăh ‘lơ̆ng, đei yoa, hơnơ̆ng tưk tơiung dôm tơdrong jơnei hlôi iŏk đei; tưk tơiung tơdrong pran ‘lơ̆ng đơ̆ng dêh char găh bri brăh păng jang ‘long, hơdai hăm pơtăm ‘long pơjing bri, vei kơjăp bri ‘long hơdai hăm dôm tơdrong juăt ‘lơ̆ng đơ̆ng sơ̆, pơjing tơring tơrang ‘nao, pơm hơtŏk tơdrong arih xa ăn kon pơlei, tơgop pơjing dêh char Tuyên Quang jang tŏk hrĕnh păng pran kơjăp.