Tơdrong tơproh trong jang ăn dêh char Quảng Ngãi đơng 2021-2030, trong jang truh sơnăm 2050 đei Thủ tướng teh đak kĭ lơ̆m ‘năr 22/11/2023, hăm 3 trong jang tơm đei: Quảng Ngãi jang tŏk ‘moi kiơ̆ dôm tơdrong ‘lơ̆ng đơ̆ng kơdih- năm truh trong jang tŏk kơjăp ‘lơ̆ng; mă 2 ‘nŏh Quảng Ngãi-1 anih truh ‘nao, jang ‘lơ̆ng kiơ̆ trong jang mŭk drăm tơm kơ tơring Tŏk bŏk; păng mă 3 ‘nŏh Quảng Ngãi tưk tơiung tơdrong pran đơ̆ng kơdih vă gơ̆h jing Tơring pơvih tơm ăn tơdrong jang mŭk drăm tơ̆ đak dơsĭ, trong jang mŭk drăm Đông-Tây.

Tơproh hơmet 4 trong jang mŭk drăm gĭt kăl, 6 anih jang mŭk drăm tơm păng 2 anih pơyoa ăn jang tŏk, 3 Tơring kơdrâm. Dêh char tơlĕch đon pơhnŏng pơjing Anih hlŏng hơmet đak dâu păng unh hơyuh teh đak tơ̆ Tơring jang mŭk drăm Dung Quất păng atŏk tơiung apŭng kông tơ̆ đak dơsĭ Lý Sơn jing tơring chă tơmang lăng tơ̆ đak dơsĭ.

Tơ̆ jơ pơm lêh, Kơdră teh đak Võ Văn Thưởng păng dôm kơdră chĕp kơ̆l, bơngai tang măt pơgơ̆r tơlĕch tơdrong jang pơm Trong Hoàng Sa-Dốc Sỏi; dơ̆ng lăng kơdră chĕp kơ̆l dêh char Quảng Ngãi pơjao Tơdrong tơchơ̆t drơ̆ng nơ̆r hăm trong tơmât jên ăn 1,2 tơdrong jang atŏk tơiung tơring kơdrâm, jang kơmăy kơmŏk tơ̆ dêh char.