Lơ̆m ‘măng năm ngôi, Thủ tướng Nhật Bản Kishida păng hơkăn Thủ tướng pơgơ̆r lêh sơng Kơdră teh đak Võ Văn Thưởng păng hơkăn kơdră teh đak. 2 kơdră chĕp kơ̆l kŭm gô chĕp kơ̆l khŭl kơdră kơpal 2 teh đak pơma đam, hơlen lăng dôm jơnei iŏk đei lơ̆m 50 sơnăm pơjing tơdrong pơvei jang tơbôl păng tơlĕch ăn dôm trong jang hơdai pran kơtang hloh tơ̆ hơnăp kơnh.

Kơdră teh đak Võ Văn Thưởng păng hơkăn kơdră teh đak kŭm gô pơma dơnuh hăm Ƀok pơtao păng hơkăn ƀok pơtao Nhật Bản; tơƀơ̆p Kơdră Thượng viện, Kơdră Hạ viện Nhật Bản păng đei ƀai iung pơma gĭt kăl tơ̆ Kuôk hô̆i Nhật Bản; vang pơm lêh tơbăt 50 sơnăm pơjing tơdrong pơvei jang tơbôl Việt Nam-Nhật Bản; Đang kơ ‘noh kơdră chĕp kơ̆l 1,2 Đảng păng 1,2 bơngai jang chĭnh trĭ teh đak Nhật Bản.