Vang truh akŏm năr gĭt kăl âu đei Kon drŏ nglo ƀok pơtao  Nhật Bản Akishino păng hơkăn sư, Kơdră Hạ viện Nhật Bản Nukaga Fukushiro kŭm hăm tang măt Kơdră chĕp kơ̆l dôm anih tơm, anih jang, tơring khŭl jang tơbôl 2 teh đak kŭm hăm dôm bơngai buăl Nhật Bản joăt hăm Việt Nam. Tơ̆ Lêh tơbăt, Kơdră teh đak Võ Văn Thưởng păng hơkăn sư kŭm hăm Kon drŏ nglo ƀok pơtao Nhật Bản Akishino păng hơkăn sư, Kơdră Hạ viện Nhật Bản Nukaga Fukushiro păng dôm tơmoi hơvơn hlôi vang lăng tơdrong joh hơri tơbôl Việt Nam-Nhật Bản.

Tơdrong jang yua đơ̆ng Anih tơm vei lăng găh joh ayŏ, tơplŏng kơdâu păng tơmang lăng jang hơdai hăm Anih jang tang măt Việt Nam tơ̆ Nhật Bản pơgơ̆r, ‘Măng âu, Kơdră teh đak Võ Văn Thưởng kŭm năm lăng Pơdă tơƀôh rup tơbăt 50 sơnăm pơjing tơdrong pơvei jang tơbôl Việt Nam- Nhật Bản pơdă dôm tơdrong hơiă jơhnơr arih lơ̆m tơdrong pơvei jang tơbôl Việt Nam păng Nhật Bản.