Kơdră Thươ̆ng viê̆n Bỉ truh Hà Nội pơtơm 'măng năm tơmang teh đak Việt Nam
Thứ ba, 08:23, 22/08/2023
VOV/Lan tơblơ̆
VOV/Lan tơblơ̆
VOV4.Bahnar – Pơgê năr 21/8, Kơdră Thươ̆ng viê̆n teh đak Bỉ Stéphanie D'Hose atŭm hăm Khul Kơpal tang măt ăn teh đak Bỉ hlôi truh cham gre păr Nội Bài (Hà Nội), pơtơm 'măng năm tơmang Việt Nam đơ̆ng năr 21-25/8/2023 kiơ̆ nơ̆r hơvơn đơ̆ng Kơdră Kuôk hô̆i Vương Đình Huệ. Việt Nam păng teh đak Bỉ iung jang tơbôl ah sơnăm 1973. Jô̆ đơ̆ng iung jang tơbôl, tơdrong tơbôl juăt jue păng jang hadoi 'lơ̆ng rŏ kơ 2 teh đak pơtoi đei hơtŏk 'lơ̆ng. Kơdră Thươ̆ng viê̆n teh đak Bỉ Stéphanie D'Hose jing tơmoi Kơpal hloh kơ teh đak Bỉ năm tơmang Việt Nam lơ̆m sơnăm 2023.
'Nâu adoi jing 'măng 2 teh đak tơbăt 50 sơnăm Năr iung jang tơbôl (22/3/1973-22/3/2023) păng 5 sơnăm Jang hadoi gah tơdrong choh jang sa. 'Măng năm tơmang tơƀôh tơdrong lăng tơgĭt đơ̆ng Kơdră kơpal teh đak Bỉ lơ̆m tơbôl jang hadoi hăm Việt Nam păng pơtoi kơ 'măng năm tơmang đơ̆ng Kơdră Kuôk hô̆i Vương Đình Huệ ah khei 9/2021.
'Măng năm tơmang vă hơtŏk jang hadoi gah mŭk drăm, tĕch pơdro păng asong jang adoi nhen jang hadoi đơ̆ng Kuôk hô̆i Việt Nam păng Ngĭ viê̆n Bỉ; hơtŏk tơdrong jang hadoi kơ 2 teh đak ah hop akŏm lơ pah nhen Liên hơp kuôk, dôm jơnŭm jang ngĭ viê̆n lơ̆m tơring păng lơ̆m kơpal teh.
Viết bình luận