Đơ̆ng rŏng tơmơ̆ng đe kơdră Anih jang vei lăng kon pơlei apŭng Dương Minh Châu tơroi pơgia gah tơdrong jang pơyua ăn tơpôl lơ̆m tơring teh kơ apŭng lơ̆m khei năr âu ki, Kơdră tơdăng kơ teh đak bơ̆n Võ Thị Ánh Xuân sơkơ̆t hơdah Tây Ninh jing tơring teh kăp gĭt gah jang mŭk drăm – tơpôl păng vei sơđơ̆ng tơpôl teh đak. Kơdră tơdăng kơ teh đak bơ̆n Võ Thị Ánh Xuân pơkăl, lơ̆m khei năr truh, Tây Ninh iŏk yua tơnăp dôm mŭk drăm, tơdrong hiôk gah jang kŏng ngĭp, choh jang xa kiơ̆ trong jang ‘nao, jang tơmang pơhiơ̆ vă hơtŏk jang hadoi hăm dôm dêh char lơ̆m tơring, pơm trong hơtŏk tơ-iung khei năr hơnô̆ hơnăp kơnh.

Ƀơ̆t ‘măng âu, Kơdră tơdăng kơ teh đak bơ̆n Võ Thị Ánh Xuân hlôi pơjao 200 trĭu hlj ăn Jên mong Tơgŭm hơ-ioh dêh char Tây Ninh; pơjao 20 tơpu tơmam ăn dôm unh hnam mă teh đak tơchơ̆t tơgŭm, 15 tơpu tơmam ăn dôm unh hnam đei tơdrong hơrih tơnap tap păng 20 tơpu tơmam ăn đe hơ-ioh đei tơdrong hơrih tơnap tap lơ̆m tơring teh kơ apŭng Dương Minh Châu.