Anih gru grua kăp gĭt jơhnơr hơrih kơ teh đak tơ̆ ATK Định Hóa, anih mă Ƀok Kơdră Hồ Chí Minh atŭm hăm Trung ương Đảng, Jơnŭm pơgơ̆r teh đak oei păng pơm jang, pơgơ̆r tơdrong iung tơjră ayăt Phalăng tơgar. Lơ̆m tơdrong grasia kŭp yom, Kơdră tơdăng kơ teh đak bơ̆n Võ Thị Ánh Xuân păng rim đe kơdră kơpal năm hadoi kŭp yom plang hlôt nhang ƀlŏk tơbăt păng pơtruh tơdrong pôk bơnê ưh layơ tôch đơ̆ng tôm Đảng, tôm kon pơlei bơ̆n hăm jơhngơ̆m plang tih tên đơ̆ng Kơdră Hồ Chí Minh.

Khul kơpal sơkơ̆t pơtoi hŏk pơhrăm păng pơm kiơ̆ đon bơnôh, trong pơm jang đơ̆ng Ƀok; pơ-‘nam, mong răk, hlăng ‘lơ̆ng, dơnưp dim, đĭ jơhngơ̆m pơm jang ăn Teh đak, pơm jang ăn Kon pơlei. Ƀơ̆t ‘măng âu, Kơdră tơdăng kơ teh đak bơ̆n Võ Thị Ánh Xuân hlôi asong tơmam ăn 50 ‘nu bơngai tơgŭm jơhngơ̆m hăm kăch mạng păng 200 hơ-ioh đei tơdrong hơrih tơnap tap tơ̆ apŭng Định Hóa.