‘Măng năm ngôi đơ̆ng Kơdră tơm teh đak Brazil tôch gĭt kăl, pơih trong vă tưk tơiung hlŏh dơ̆ng dôm tơdrong jang hơdoi đơ̆ng 2 teh đak lơ̆m Treong jang hơdoi gĭt kăl Việt Nam-Brazil. ‘Măng năm ngôi đơ̆ng Kơdră tơm Lula da Silva kŭm hăm khul tang măt păng lơ bơngai tĕch mơdro kơ Brazil tơ̆ Việt Nam ‘măng mă âu jĭ tơdrong vă tơƀôh hơdăh đon jang chinh trĭ, tơdrong gĭt kăl đơ̆ng tơdrong pơvei 2 pang kŭm nhen tơƀôh hơdăh Việt Nam jĭ 1 teh đak jang hơdoi tôch sơđơ̆ng hăm Brazil.

‘Măng năm ngôi jĭ hơyak gĭt kăl lơ̆m tơdrong jang hơdoi 2 pang, pơih xă trong pơma nuh păng jang hơdoi găh lơ tơdrong kăl, hơtŏk tơdrong jang hơdoi lơ̆m dôm khul, anih jang lơ pang. Lơ̆m ‘măng năm ngôi tơ̆ teh đak Việt Nam, Kơdră tơm Lula da Silva truh hăm lêh sơng tơpă păng pơma đam hăm Kơdră teh đak bơ̆n ƀok Lương Cường, tơƀâp kơdră chĕp kơ̆l Đảng, Teh đak Việt Nam kŭm nhen đei 1,2 tơdrong jang gĭt kăl tơ̆ Hà Nội.