‘Nâu jĭ ‘măng năm ngôi mă blŭng tơ̆ Việt Nam đơ̆ng kơdră tơm teh đak Hàn Quốc Yoon Suk Yeol păng Việt Nam kŭm jing teh đak Đông Nam Á mă blŭng Kơdră tơm Yoon Suk Yeol truh năm ngôi đơ̆ng rŏng iŏk kơ chư̆k ƀơ̆t khei 5/2022. ‘Măng năm ngôi pơgơ̆r lơ̆m khei ‘năr tơdrong pơvei 2 teh đak hơtŏk tơiung ‘lơ̆ng hơiă.

2 păh hlôi hơtŏk tơdrong pơvei tŏk jang hơdai tôm tơdrong ƀơ̆t ƀlep lơ̆m năr tơbăt 30 sơnăm pơjing tơdrong pơvei jang tơbôl (sơnăm 2022). ‘Măng năm ngôi kŭm tơƀôh tơdrong lăng kăl đơ̆ng khŭl kơdră teh đak Hàn Quốc păng kơdih Kơdră tơm Yoon Suk Yeol hăm tơdrong pơvei Việt Nam - Hàn Quốc. ‘Măng năm ngôi Việt Nam ‘măng âu đơ̆ng Kơdră tơm Hàn Quốc đei tơdrong ‘lơ̆ng ‘noh jĭ hơdai hăm Việt Nam, teh đak jang hơdai tơm kơ Hàn Quốc, pơtơm tơlĕch jang tôm “Pơcheh hơgei tơ goăt 1 ƀơ̆r đon Hàn Quốc – ASEAN (KASI).