Hơiă hăm ƀok Nguyễn Hồng Nam đei Đảng, tĕh đak lui pơjao ăn hơnăp jang trăp trĭn ‘nŏh pơm Kơdră tơm sek tơlang, Kơdră tĕh đak akhan, ‘nâu jĭ tơdrong hưch hanh, tôch hơiă, kŭm jing hơnăp jang trăp trĭn hai. Kơdră tĕh đak lui, ƀok Nguyễn Hồng Nam gô hơnơ̆ng tơiung đei tơdrong juăt ‘lơ̆ng đơ̆ng Anih sek tơlang, adrin jang đang ‘lơ̆ng tơdrong jang đei pơjao, tơgăl hăm tơdrong lui đơ̆ng Đảng, Tĕh đak, Kon pơlei păng kăn ƀô̆, bơngai jang lơ̆m Anih sek tơlang.

Kơdră tơm sek tơlang Nguyễn Hồng Nam tơƀôh đon hơiă mưh đei Kơdră tĕh đak pơjao ăn tơdrong Tơchơ̆t pôk pơm Kơdră tơm sek tơlang, hơdai hăm ‘nŏh chĕp răk păng vă jang kiơ̆ rim nơ̆r pơtho đơ̆ng Kơdră tĕh đak, pơkăp hơnơ̆ng jang đang ‘lơ̆ng rim tơdrong đei pơjao.