Pơma pơtôch hop akŏm, Kơdră tơm Tô Lâm athei Kơdră vei lăng Kŏng an dôm anih jang, tơring hơnơ̆ng vei kơjăp, bơ̆jang kiơ̆ đei iŏk yua dôm trong tơlĕch jang, hla ar athei đơ̆ng Đảng, Teh đak, đơ̆ng Anih jang Đảng Kŏng an Trung ương, Anih tơm vei lăng Kŏng an găh pơjing Kŏng an tơ̆ xăh; akŏm hơmet ming hloi dôm tơdrong oei đei, hơnơ̆ng hơlen lăng, dăr lăng, pŭ hơnăp jang, ưh kơ gơh lê̆ đei dôm tơdrong oei đei, găn ƀiơ̆ tơdrong đei ƀôh hơlơ̆k hơle.

Hăm dôm Kơdrăvei lăng Kŏng an xăh, Kơdră tơm athei ling lang hlôh vao, ‘meh vă, khŏm iung jang vă đei dôm tơdrong hơgăt, tơchơ̆t, tơgăl vang jang lơ̆m Khŭl chĕp kơ̆l pơgơ̆r anih jang đảng tơ̆ xăh. Mưh vang jang lơ̆m Khŭl chĕp kơ̆l pơgơ̆r Anih jang Đảng xăh kăl kơ hơtŏk hơnăp jang, tơgop chĕp kơ̆l tŭn pran tơdrong jang vei sơđơ̆ng păng tơgop ăn kơdră đảng, khŭl kơdră tơring.