Kơdră tơm Tô Lâm pơma hơdăh, Việt Nam ling lang lăng kăl păng ‘meh vă kŭm hăm Liên bang Nga hơnơ̆ng hơnhăk tơdrong pơvei tơbôl joăt joe đơ̆ng 2 teh đak roi ‘năr roi hơtŏk tơiung, đei yua, ‘lơ̆ng, păng kơjăp păng lui ngeh.

Kiơ̆ lơ̆m tơdrong pơvei ‘lơ̆ng hơiă đơ̆ng 2 teh đak, tơdrong pơvei jang hơdai đơ̆ng Anih tơm vei lăng kŏng an Việt Nam hăm Anih tơm vei lăng tơdrong kăl Liên bang Nga hlôi đei pơjing lơ̆m lơ sơnăm âu ki, iŏk đei jơnei ‘lơ̆ng hơiă lơ̆m lơ tơdrong jang. Kơdră tơm Kurenkov Aleksandr Vyacheslavovich pơma hơdăh, tơdrong jang hơdai kơjăp đơ̆ng 2 anih tơm lơ̆m lơ tơdrong jang, mă loi ‘noh jĭ tơdrong jang tang găn ŭnh sa pĭt ŭnh sa păng dŏng sar bar dŏng tơgŭm, vang tơroi băl tơdrong hlôh vao tơroi lê̆ hơdrol păng hơmet pơ ‘lơ̆ng tơdrong kăl hlôi tơgop pơm ‘lơ̆ng, hơmet ming tơdrong pơvei tơbôl joăt joe đơ̆ng 2 teh đak roi ‘năr roi kơjăp, hơtŏk tơiung.