Xăh Ea Ktur đei 8.500 unh hnam, 38% ‘nŏh jĭ kon pơlei bơngai Rađe, M’nông, Thái, Tày, Nùng, Dao…. Dôm sơnăm âu ki, đơ̆ng pơtăm dôm kơloăi ‘long kăp gĭt nhen chĕh phe, tiu, sầu riêng... tơdrong arih xa kơ kon pơlei roi phĭ tơtŏ dơnŏ ‘lơ̆ng, kơsô̆ unh hnam tơnuh jur pă 5%. Truh hăm năr pơchơt, Đại tướng Lương Tam Quang hơiă hăm dôm tơdrong jơnei mă mih ma duch nă dôm hơdrĕch hơdrung tơ̆ Ea Ktur jang đei lơ̆m dôm sơnăm âu ki.

Kơdră tơm vei lăng Công an hơpơi ‘mĕh tơ̆ hơnăp kơnh, anih jang đảng, khul kơdră tơring păng kon pơlei Ea Ktur pơma hơdrô̆, Đắk Lắk pơma atŭm hơnơ̆ng bơ̆ jang pơjei băl, adrin jang đei ‘lơ̆ng hlŏh dôm tơdrong hơgăt, nơ̆r tơchơ̆t đơ̆ng hop akŏm đảng jơ̆p tơring, hơnơ̆ng tư̆k tơiung tơdrong juăt, jơhngâm pran đơ̆ng tơguăt đĭ đăng hơdrĕch hơdrung, pơjing pơlei pơla, teh đak roi đunh roi pơdrŏng ‘lơ̆ng rŏ, hiôk chơt.