Đại tướng Tô Lâm, Kơdră jang lơ̆m Anih tơm Chinh trĭ, Kơdră tơm vei lăng Công an pơm gơ̆r lêh sơng. Đơ̆ng rŏng kơ lêh sơng, ƀok Kơdră Tô Lâm păng Kơdră Ahmad Reza Radan pơgơ̆r pơma đam.

Vă hơnơ̆ng hơnhăk tơdrong pơvei, jang hơdoi đơ̆ng Anih tơm vei lăng Công an Việt Nam păng Anih tơm jang kiơ̆ Khôi luơ̆t teh đak Iran roi đunh roi tŏk pran ‘lơ̆ng, đei yoa, 2 păh drơ̆ng nơ̆r hơtŏk tơdrong pơma nuh ăn dôm khul jang, mă loi pơma nuh ăn khul jang tih vă hơlen năng tơdrong ‘mĕh vă, tơdrong ‘lơ̆ng vă jang hơdoi đơ̆ng 2 teh đak găh tơdrong sơđơ̆ng; hơtŏk tơdrong roi tơbăt ăn băl păng jang hơdoi, mă loi tơroi ăn băl rim tơdrong lơ̆m apŭng plenh teh păng tơ̆ tơring mă 2 păh tơrek truh, vang sek tơlang dôm tơdrong yoch klĕch tơ̆ teh đak nai, tơdrong yoch ƀơm truh kon pơlei 2 teh đak.