Hơiă hăm bơngai tang măt Tredene Dobson hlôi jang đang ‘lơ̆ng tơdrong jang đei pơjao tơ̆ Việt Nam, ƀok Kơdră Tô Lâm tơchĕng ‘lơ̆ng dôm tơdrong tơgop đơ̆ng yă tang măt lơ̆m jăl jang âu ki, kiơ̆ đơ̆ng noh tơgop gĭt kăl vă tưk tơiung tơdrong pơvei jang hơdoi gĭt kăl Việt Nam-New Zealand pơma atŭm, tơdrong jang hơdoi đơ̆ng Anih tơm vei lăng Công an Việt Nam hăm dôm anih jang luơ̆t kơ teh đak New Zealand.

Ƀok kơdră Tô Lâm hơpơi ‘mĕh, tơ̆ hơnăp kơnh, 2 păh hơnơ̆ng pơm hơtŏk hlŏh dơ̆ng tơdrong đei yoa đơ̆ng “Drơ̆ng nơ̆r jang hơdoi kơplăh Anih tơm vei lăng Công an Việt Nam păng Anih kanh sat teh đak New Zealand găh tang găn tơdrong yoch klĕch tơ̆ teh đak nai” đei kĭ pơkăp sơnăm 2019. Hơpơi ‘mĕh Bơngai tang măt Tredene Dobson hơnơ̆ng đei lơ tơdrong pơchĕh vă pơm hơtŏk hlŏh dơ̆ng tơdrong jang hơdoi đơ̆ng 2 tĕh đak găh lơ tơdrong.