Hop akŏm Ki thuơ̆t-Khul linh apŭng plenh tĕh 2023 jĭ 1 lơ̆m dôm ‘măng pơdă phao kơtoang, tơmam ki thuơ̆t apŭng plenh tĕh tih hlŏh jơ̆p plei tĕh yoa Anih tơm vei lăng khul linh tĕh đak Nga pơgơ̆r rim sơnăm đơ̆ng sơnăm 2015 tơ̆ Cham xă ‘mêm kơ tĕh đak-pơchơt ngôi Patriot (tơter anih tơm Moscow).

Adrol kơ ‘nŏh, Đại tướng Phan Văn Giang kŭm hăm khul tang măt ăn Anih tơm vei lăng khul linh Việt Nam kŭm năm ngôi tơ̆ Anih jang tang măt Việt Nam tơ̆ Nga. Đại tướng Phan Văn Giang tơƀôh đon hơpơi ‘mĕh tơ̆ hơnăp kơnh, kăn ƀô̆, bơngai jang tơ̆ Anih tang măt ăn Việt Nam tơ̆ tĕh đak Nga hơnơ̆ng tưk tơiung jơhngâm đon tơguăt băl, gơ̆h hơgei, vă hơtŏk đon hlôh vao atŭm, bơ̆ jang ‘lơ̆ng tơdrong jang đơ̆ng Đảng, tĕh đak pơjao, tơgop hơmet kơjăp tơdrong pơvei jang hơdoi gĭt kăl tôm tơdrong hăm tĕh đak Nga, lơ̆m nŏh đei tơdrong jang hơdoi găh khul linh.