Tơdrong tơchơ̆t chih hơdăh pôk hơtŏk ƀok Trương Hải Long, Kơdră vei lăng kon pơlei dêh char Gia Lai jăl jang 2021 -2026 pơm Phŏ Kơdră tơm jang Nô̆i vŭ. Khei ‘năr bơ̆ jang lơ̆m 5 sơnăm. Đei nơ̆r pơjao đơ̆ng Thủ tướng teh đak, Anih tơm jang Nô̆i vŭ vă roi tơbăt tơdrong tơchơ̆t đơ̆ng Thủ tướng teh đak tơ̆ dêh char Gia Lai.

Ƀok Trương Hải Long đei đunh khei ‘năr bơ̆ jang tơ̆ Anih tơm jang Nô̆i vŭ păng sơ̆ đei pơm Phŏ, đang kơ ‘nŏh Kơdră anih vei lăng bơngai jang kơ teh đak adrol kơ đei pôk hơtŏk pơm Phŏ Kơdră tơm jang Nô̆i vŭ lơ̆m khei 6/2021. ‘Năr 12/9/2022, ƀok Trương Hải Long đei Ban Bí thư athei tŏk pơm Phó Bí thư đảng dêh char Gia Lai. ‘Năr 19/9/2022, Jơnŭm pơgơ̆r kon pơlei dêh char Gia Lai pôk ƀok Trương Hải Long, Phŏ Bí thư đảng dêh char pơm Kơdră vei lăng kon pơlei dêh char Gia Lai jăl jang đơ̆ng 2021-2026.