Kiơ̆ Kơdră Anih jang Trung ương MTTQ Việt Nam Đỗ Văn Chiến, vă hơmet ăn ‘Măng hop akŏm mă  7, Kuôk hô̆i jăl 15, Khul Kơdră kơ Anih jang Trung ương MTTQ Việt Nam hlôi iŏk đei 63/63 tơbang chih akŏm nơ̆r pơtruh đơ̆ng kon pơlei đơ̆ng Anih jang Kơpal kơ MTTQ Việt Nam dôm dêh char, pơlei tơm; 37/63 tơbang nơ̆r akŏm pơtruh đơ̆ng dôm khul jang tang măt ăn Kuôk hô̆i; 23 tơdrong tơbang đơ̆ng dôm khul vang jang; 16 nơ̆r tơgop pơtruh đơ̆ng dôm bơngai jang lơ̆m Khul Kơdră kơ Anih jang Trung ương MTTQ Việt Nam, hăm kơsô̆ 1.502 nơ̆r tơgop.

Ƀok Đỗ Văn Chiến ră hơdah, kon pơlei hmach bơnê kơ tơdrong jang tang găn păng tơjră xa pơgơ̆m pơjĭp hăm tơdrong pơgơ̆r đơ̆ng Đảng pơtoi đei jơnei hơ-iă kăp gĭt, tôm tơdrong, “pơma năm hadoi hăm pơm jang”, tơpă ưh đei lon kơ bu, mă bơngai noh bu; rim anih jang kơpal ưh hơdrô̆ sek tơlang tơtôm, tơnăp, đei đon bơnôh ‘lơ̆ng hăm bơngai pơm yoch mă oei akŏm iŏk lơ mŭk drăm ăn teh đak.