Pơđĭ lơ̆m tơring Cư̆ Drăm đei hloh 47ha teh kơ 137 ŭnh hnam kon pơlei lơ̆m iŏk tơvih teh vă tơgŭm ăn ming man trong gre rĕnh. Jô̆ đĭ khei 4 au ki, hlôi đei 124 ŭnh hnam sơng iŏk tơgŭm djru păng pơjao teh ăn rim hơnih ming man, 13 ŭnh hnam uơ oei tim mă drơ̆ng nơ̆r, pơjao teh.

Akŏp hơgăt teh iŏk tơvih kơ 13 ŭnh hnam lơ̆m pơlei Cư̆ Dhiăt, tơring Cư̆ Drăm ‘noh 8.000m2, 13 pơbŭng hnam tơ̆r atŭm hăm mĭnh ƀar hơnih jang anai. Teh tơ̆ au ‘noh teh bơbĭt iŏk, mưh iŏk tơvih ưh kơ pơprŏ ăn hơnih oei ‘nao, ưh kơ hrŭ ăn, mă lei lăp chă tơgŭm djru chă yông hnam păng mŭk drăm lơ̆m hơgăt teh ‘noh đĕch. Đơ̆ng rŏng chă pơrô̆ hơvơn, 13 ŭnh hnam hlôi drơ̆ng nơ̆r, sơng iŏk kon jên tơgŭm djru yông oei tơ̆ nai (vă jê̆ 1 ti 600 triu hlak jên).