Lơ̆m dôm nơ̆r pơtruh đơ̆ng kon pơlei ah ‘măng akŏm pơma dơnuh, hơdah hloh noh dôm tơdrong tơhlăk tăk gah hla bar hanh chĭn lơ̆m tơdrong pơkăp gah teh. Ƀok Lương Thanh Bình – Phŏ Kơdră Anih jang Mŭk drăm Cham char Gia Lai ăn tơbăt, khei năr truh gô tơplih tơdrong asong hla bar pơkăp yua teh kơ unh hnam, tơ-‘ngla bơngai jang đơ̆ng Anih jang Pơkăp yua teh tơ̆ dêh char ăn anih jang asong hla bar pơkăp yua teh tơ̆ apŭng vei lăng.

‘Nguaih kơ noh, kon pơlei tah hla apŭng Phú Thiện oei tơgop lơ nơ̆r pơkăl nai, nhen gah tơnap tap lơ̆m asong jên tŏk iŏk vă pơm jang kiơ̆ tơchơ̆t jang kơ teh đak gah hơtŏk mŭk drăm – tơpôl tơring kon kông; gah tơdrong hơlen tĕch răt phŏng rei păng pơgang hơdrông; tơnap tap lơ̆m pơtho tơdrong jang lơ̆m tơring kon kông.