Kon pơlei tah hla hơpơi ‘meh jăl trong tih Gia Nghĩa – Chơn Thành dah hrôih đei tơlĕch ming man
Thứ ba, 14:18, 02/07/2024
Lan chih tơblơ̆
Lan chih tơblơ̆
VOV4.Bahnar - Tơdrong tơroi gah trong tih kơdâu renh ăn Tây Nguyên jing minh lơ̆m dôm tơdrong đei kon pơlei tơrĕk kăp gĭt lơ̆m dôm ‘măng akŏm pơma dơnuh hăm kon pơlei tah hla hăm Khul jang tang măt ăn Kuôk hô̆i dêh char Đăk Nông, đei pơgơ̆r ah ‘năr brei (1/7).
Hơdah noh, Khul jang tang măt ăn Kuôk hô̆i dêh char Đăk Nông hlôi akŏm 2 ‘măng pơma dơnuh hăm kon pơlei tah hla tơ̆ dôm xah Trường Xuân (apŭng Đăk Song), xah Đăk Som (apŭng Đăk Glong), tơroi gah tơdrong đei jơnei đơ̆ng ‘Măng hop akŏm mă 7, Kuôk hô̆i jăl 15.
Mă kăl noh lơ̆m ‘măng hop akŏm yơ̆ng âu ki, Kuôk hô̆i hlôi hơlen tơchơ̆t gah asong ming man jăl trong tơm kơdâu renh Tu – Pơbah jăl găn gah pơmơ̆t Gia Nghĩa (Đăk Nông) - Chơn Thành (Bình Phước) hăm trong hơtaih pơhlom 128,8km, kơsô̆ jên asong ming man 25.540 tih hlj. Lơ kon pơlei tah hla hơpơi ‘meh tơdrong ming man dah hrôih đei tơlĕch man, vă trong tih hrôih jing tơpă, asong vih vơ̆t, tĕch pơdro hiôk hian, păng tơgŭm ăn kon pơlei ƀônh ƀŏ hloh chă khăm hơmet jĭ jăn.
Viết bình luận