Tơ̆ lơ hơnih, kon pơlei oei pơm kơ ƀang soi, tôn chĭng sơ ‘ngon tơklăh hơchăng bơngai chĕp kơ̆l đĭ chăl hơrih yua kơ teh đak yua kơ kon pơlei. Pơgê hrôih, kon pơlei Jrai tơ̆ plei Kép, phường Đống Đa, pơlei tơm Pleiku, dêh char Gia Lai, akŏm tơ̆ hnam hop akŏm pơlei, pơm lêh soi ƀlŏk hơdơ̆r kơ Tổng Bí thư Nguyễn Phú Trọng. Đơ̆ng rŏng lêh hơpong tơpăt ‘lơ̆ng, kon pơlei tôn chĭng sơ ‘ngon tơklăh hơchăng hăm kơdră chĕp kơ̆l tih hloh kơ Đảng. ‘Nhŏng Bưn, bơngai tôn chĭng plei Kép, ƀrơ̆k jơhngơ̆m tơroi: “Tơdra chĭng sơ ‘ngon tơƀôh tơdrong ơh hmach. Ƀok Nguyễn Phú Trọng, mĭnh ‘nu bơngai chĕp kơ̆l tôch kơ tih kơ teh đak lôch hơchăng, kon pơlei ưh kơ đei kiơ apĭnh mơng nơ̆r chĭng chêng vă vang sơ ‘ngon tơklăh hơchăng hăm ƀok.”

Tơ̆ tơring sơlam apŭng Buôn Đôn, dêh char Đắk Lắk, ƀok ƀă Hoài, Trưởng plei Niêng 3, xăh Ea Nuôl, kŭm hăm kon pơlei Mnông, Êđê, bơngai Lào păng ƀok chua, bơngai lui phât hnam chùa Long Thọ pơm kơ ƀang soi ăn bơngai chĕp kơ̆k kơ Kon pơlei: “Tổng Bí thư lei lăi nhen bơngai ƀă, bơngai bok nhôn. Nhôn tôch kơ ‘mêm kơ eng ƀơ̆t ƀok lôch hơchăng bơ̆n. Nhôn băt bơnê kơ Nguyễn Phú Trọng hlôi ăn kơ nhôn tơdrong arih sa 1 jơhngơ̆m đon, tơgŭm lơ ăn kon pơlei tơring mơmat tat hơnih ‘nâu”.