Vă tang găn ŭnh sa bri, rim hơnih tơ-‘ngla bri atŭm hăm khul bơ̆ jang tơring tŏk bŏk hơnơ̆ng atŏk kơtang khul jang, gre kmăi kmŏk tang găn ŭnh sa bri prăt măng prăt năr.

Tơ̆ rim apŭng Đak Tô, Đak Hà, Sa Thầy, Kon Rẫy, Ngọc Hồi, Đak Glei, hơnih mă dêh char Kon Tum ƀôh lơ hơgăt teh bri ‘long păng bri ‘long pơtăm tôch hơmơt kơ ŭnh sa kơtang, rim tơ-‘ngla bri, khul bơ̆ jang păng kơdră rim tơring kơ dêh char Kon Tum hơnơ̆ng pơjing dơ̆ng mĭnh ƀar hơnih gak vei lăng kon bơngai mơ̆t lech lơ̆m bri; ăn khul jang năm bơ̆ jang rim tơring hơdrar vă pơtho khan ăn kon pơlei hyum soh mir mă ‘lơ̆ng vă hoei pơm ăn ŭnh sa hơmrok lơ̆m bri. Adoi, khul ƀô̆ đô̆i, kŏng ang iung jang hơdoi hăm khul vei lăng bri, hơnih tơ-‘ngla bri păng kơdră chĕp pơgơ̆r rim tơring jei hơmet pơ ‘lơ̆ng trong iung jang, hmŏ khul jang, gre kmăi kmŏk, tơdăh đei tơdrong ŭnh sa bri ‘noh năm iung jang hơdoi.