Mă hơdăh 3 hơnih pơnơ̆t đak ‘nao đei Hơnih vei lăng kon pơlei dêh char Kon Tum tơchơ̆t tơmơ̆t jên jang, đei: Tơdrong vă jang ming hơmet Pơnơ̆t đak Đak Tua, Đak Leng tơ̆ tơring Hiếu păng thĭ trân Măng Đen, apŭng Kon Plông; Tơdrong vă jang ming hơmet pơnơ̆t đak Đak Ka Well tơ̆ tơring Đak Bla, pơlei tơm Kon Tum păng tơdrong vă jang ming hơmet pơnơ̆t đak Đak Grâp tơ̆ tơring Sa Loong, apŭng Ngọc Hồi. 

Akŏp kon jên ming hơmet 3 Pơnơ̆t đak ‘noh 3 ti hlak jên đơ̆ng Trung ương tơgŭm ăn hơmet pơ ‘lơ̆ng tŏ ‘mi kial pơrăm 10 khei blŭng sơnăm 2020. Hơdrol kơ ‘nŏh lơ̆m vă đĭ khei 3/2023, Hơnih vei lăng kon pơlei dêh char Kon Tum hlôi tơchơ̆t klăh asong kon jên 30 ti hlak jên đơ̆ng Trung ương tơgŭm ăn hơmet pơ ‘lơ̆ng tŏ ‘mi kial pơrăm vă ming hơmet mĭnh ƀar hơnih pơnơ̆t đak.