Tơdrong mă bơngai jang vei lăng bri ưh đei klưh gĭt hăm tơdrong jang, apinh pơdơh jang đei Anih jang Vei lăng bri dêh char Kon Tum sơkơ̆t hơdah kơyuơ tơdrong jang hrat, sơnong jang trăp păng jên khei hơpah jang ưh đei tơgăl.

Hăm tơdrong mă bơngai jang vei lăng bri ưh đei klưh gĭt hăm tơdrong jang, apinh pơdơh kơ jang, đei băt Anih jang vei lăng kon pơlei dêh char Kon Tum hlôi pơtruh hla bar hăm Jơnŭm pơgơ̆r teh đak dah đei trong jang kăp gĭt ăn khul jang vei lăng bri pơma hơdrô̆ păng khul jang vei lăng bri tơm pơma atŭm. Atŭm hăm noh Anih jang vei lăng kon pơlei dêh char Kon Tum adoi pơgơ̆r rim anih jang gah bri chih akŏm pơjao bri păng teh bri vă kon pơlei iŏk jang păng vei lăng bri, atŭm hăm noh hơtŏk jang mŭk drăm, hơtŏk tơdrong hơrih pơyua đơ̆ng bri, đơ̆ng noh tơguăt hăm bri hloh.