Hơdrô̆ lơ̆m 3 năr thi, 1 ‘nu hŏk tro kon kông păng hŏk tro đei tơdrong arih xa pơmat tat đei tơgŭm đơ̆ng 250- 300 rơbâu. Kŭm hăm ‘nŏh, Anih jang đoan dêh char Kon Tum oei pơjing Khul jang tơgŭm tơ̆ 12 anih thi vă tơgŭm ăn đe oh anih oei păng gre vih vât.

‘Măng thi tốt nghiệp THPT teh đak sơnăm ‘nâu dêh char Kon Tum đei hlŏh 5.000 ‘nu hŏk tro chih măt vang thi, lơ̆m noh đei hlŏh 1.700 ‘nu hŏk tro kon kông. Tơdrong tơgŭm ăn hŏk tro kon kông kŭm hăm hlŏh 1.100 ‘nu hŏk tro đei tơdrong arih xa pơmat tat hŏk ôn ƀai, kŭm nhen lơ̆m dôm năr thi hơnơ̆ng đei dôm khul kơdră pơgơ̆r tơring, khul grŭp tơpôl păng anih pơtho pơhrăm dêh char Kon Tum tơrek truh.