Kon Tum hơtŏk bơngai jang dăng trong tơlei unh 500KV
Thứ năm, 08:41, 30/05/2024
Lan chih tơblơ̆
Lan chih tơblơ̆
VOV4.Bahnar – Jang kiơ̆ pơgơ̆r đơ̆ng Anih jang Unh hơyuh Việt Nam păng Anih tơm jang Unh hơyuh tơring Tŏk Bŏk, pơgê năr 29/5, Kŏng ti unh hơyuh Kon Tum pơm Lêh iung jang kơ Khul năm jang tơgŭm dui trong tơlei unh 500KV jăl 3 đơ̆ng Quảng Trạch (Quảng Bình) truh Phố Nối (Hưng Yên).
‘Nâu jing tơdrong jang dơnơm kơ teh đak hăm tơdrong pơkăl đơ̆ng Thủ tướng teh đak hơdar jat noh ah năr 30/6/2024 athei keh đang tơdrong jang vă asong unh hơyuh ăn tơring Tu. Khul iung pơm jang kơ Kŏng ti Unh hơyuh Kon Tum đei 15 ‘nu jang. Khul đei pơjao sơnong jang pơlăp pơdơ̆ng jrăng unh tơ̆ anih 374, lơ̆m xah Nghi Văn, apŭng Nghi Lộc, dêh char Nghệ An.
Ƀok Nguyễn Văn Hạnh, Kơdră Kŏng ti Unh hơyuh Kon Tum ăn tơbăt, anih jang hlôi akŏm kơtơ̆ng ang, tơring iŏk sơnong jang vă rơih bơngai jang păng tơmam drăm pơm jang trŏ nhen tơdrong pơkăl. Anih jang hlôi hơmet tôm gah tơmam drăm, kơmăi kơmŏk vă vei sơđơ̆ng pơm jang măng năr hloi.
Viết bình luận