Jô̆ truh năr 6/3, đak kơ 172 dơnâu mong lơ̆m tơring teh kơ dêh char Kon Tum adoi oei pơhlom đơ̆ng 50%- 70%. Lơ̆m  20 dơnâu mong đak tih kơ dêh char nhen: Đăk Uy, Đăk Yên, Đăk Rơn Ga… đak adoi oei ƀenh rok kiơ̆ hơbong pơchoh. Kiơ̆ jô̆ hơlen, đak đơ̆ng dơnâu mong pơchoh gô mah ăn pơyan jang Puih phang. Mă lei, dêh char Kon Tum ưh đei pơhơi, tŏk bŏk pơm kiơ̆ lơ trong jang vă vei sơđơ̆ng asong mah đak ruih ăn ‘long pơtăm lơ̆m dôm khei hơtuch pơyan phang.

Pơyan Puih Phang sơnăm âu, jơ̆p dêh char Kon Tum rei pơtăm jê̆ 7.000 hectar ƀa na, jê̆ 5.000 hectar hơƀo păng hloh 1.000 hectar ‘nhot. Atŭm hăm vei sơđơ̆ng đak ruih ăn ‘long pơtăm, anih choh jang xa dêh char Kon Tum duh athei vei sơđơ̆ng đak ruih ăn dôm jĭt rơbâu ha ‘long kŏng ngĭp păng ‘long xa plei.