Kiơ̆ kơ ‘noh, anih iŏk jang hlôi jang đang tơdrong hơmet pơ ‘lơ̆ng hư răm tơ̆ găh kơ pal păng tơ̆ hơ la bơ nơ̆ kơ jung dang 60m. Akŏp jên vă hơmet ming hư răm ‘noh vă jê̆ 1 ti hlak jên. Jih tang găn teh hơ lih bơ nơ̆ đak krong Pô Kô đei tơlĕch jang đunh kơ âu 14 sơnăm, kơ jung vă jê̆ 2km, akŏp jên tơmơ̆t jang hloh 93 ti hlak jên đơ̆ng jên jang Trung ương.

Hơ drô̆ jih bơ nơ̆ păh Hơlĕch đei hư răm đei kơ jă tơdra hơdrol hloh 37 ti 700 triệu hlak jên. Sơnăm 2013 tơdrong jang athei pơ dơh kơ pơm hăm kơ jă man hlôi bơ̆jang hloh 25 ti hlak jên. Truh sơnăm 2019, tơdrongjang ‘nao đei Anih vei lăng kon pơlei dêh char Kon Tum tơlĕch dơ̆ng 12 ti hlak jên vă tơmơ̆t jên jang pơm dôm hơnih kăl uơ oei dơ̆ng. Hơtuch sơnăm 2021 pơm đang pơ nơ̆ tang găn kăl, mă lei truh dang ei oei tam mă băt hơdăh đei anih jang vei lăng vă pơ jao tơmơ̆t yua ‘noh hlôi đei ƀôh hư răm yua đơ̆ng ‘mi kial đak tih kơ na anih jang iŏk jang athei hơmet ming pơ ‘lơ̆ng.