Kon Tum: Kăl tenh kuăng hơmet dôm tơdrong oei tơjruh tơ̆ anih man pơnơ̆ dơ̆t teh hơlih ăh jih đak krong Pô Kô
Thứ bảy, 00:00, 03/06/2023
VOVTayNguyen/Lan tơblơ\
VOVTayNguyen/Lan tơblơ\
VOV4.Bahnar – Đơ̆ng rŏng 14 xơnăm tơlĕch jang, kơlih lơ tơdrong mă pơnơ̆ dơ̆t teh hơlih ăh jih đak krong Pô Kô, pơnơ̆ găh Hlĕch, găn thĭ trâ̆n Đăk Glei, apŭng Đăk Glei, dêh char Kon Tum ataih jê̆ 2km truh dang ei adoi oei lơ tơhlăk tơhlĭn kăl tenh kuăng hơmet ming adrol kơ pơyan 'mi kial đak hơbông truh.
Tơdrong ming man pơnơ̆ dơ̆t teh hơlih jih đak krong Pô Kô, găn thĭ trâ̆n Đăk Glei, apŭng Đăk Glei, dêh char Kon Tum ataih jê̆ 2km, hăm kơsô̆ jên axong man hloh 93 tih hlj. Đơ̆ng rŏng 5 xơnăm tơlĕch jang truh xơnăm 2013 tơdrong ming man athei pơdơh hăm kơjă ming man hlôi iŏk jang hloh 25 tih hlj. Truh xơnăm 2019 tơdrong ming man pơtơm đei Anih jang vei lăng kon pơlei dêh char Kon Tum pơtoi axong jên vă ming man dôm tơdrong tam mă keh hăm kơjă xơkơ̆t noh jê̆ 12 tih hlj. Năr 16/12/2021 pơnơ̆ dơ̆t teh hơlih ăh jih đak krong Pô Kô, găn thĭ trâ̆n Đăk Glei, apŭng Đăk Glei hlôi keh đang tơdrong ming man tơm, chŏng mă truh dang ei tơdrong ming man adoi tam mă gơh pơjao păng tơmơ̆t iŏk yua păng hlôi đei tơdrong hư răm bơih.
Viết bình luận