‘Măng pơlong jăl pêng sơnăm au, dêh char Kon Tum đei 5.028 ‘nu hŏk tro kon kông. Hăm hơdrin ưh kơ lê̆ hŏk tro ayơ kơ yuơ tơnap tap mă ưh kơ đei vang năm pơlong, kơdră tơring păng hơnih pơtho pơhrăm lơ̆m dêh char Kon Tum hlôi đei lơ trong jang tơgŭm djru hŏk tro, đơ̆ng pơtho ming truh dôm năr hŏk tro pơlong.

Hrei au, Hơnih đoàn dêh char Kon Tum hlôi pơjing 5 khul năm iung jang tơgŭm pơyan pơlong, pơgơ̆r dăr lăng, tơgŭm djru hŏk tro tơnap tap, hŏk tro tơring atăih yăih, tơring sơlam teh đak; Kơdră tơring păng hơnih pơtho pơhrăm 10 apŭng, pơlei tơm kơ dêh char jei hlôi tơlĕch jang kiơ̆ tơgŭm djru hŏk tro tơnap tap, hŏk tro kon kông găh kon jên sŏng sa, oei sa lơ̆m năr hŏk pơhrăm ming păng kon jên hao gre, sŏng sa lơ̆m prăt năr pơlong.