Kiơ̆ kơ noh, dôm anih jang, jơnŭm pơgơ̆r kơpal păng tơring đei sơnong hơlen tơdrong iŏk yua dôm dơnâu mong đak tơ̆ tơring pơsĕl akŏm asong ming man trŏ tơchơ̆t; pơgơ̆r chă hơlen sơkơ̆t tơdrong ming man tôm dơnâu mong đak; đei tơdrong pơjao vei lăng iŏk yua ăn dôm anih jang kơpal, hlôh vao gah tơdrong jang đak sŏ nhă; tơroi hơdah tơdrong kơchăng, tơlih trong jang đơ̆ng kon pơlei hăm tơdrong yua đak sơđơ̆ng rơgoh; hơtŏk vei rơgoh cham char thong đak...

Dêh char Kon Tum tơchơ̆t truh sơnăm 2025 đei 50% kơsô̆ măt kon pơlei tơ̆ tơring pơsĕl gơh đei đak sŏ nhă rơgoh sơđơ̆ng; hloh 40% kơsô̆ măt kon pơlei gơh đei yua đak sŏ nhă rơgoh đơ̆ng dơnâu mong đak rơgoh akŏm...