Jĭ tơring gĭt kăl, tơm găh vei sơđơ̆ng teh đak kơ dêh char Kon Tum, apŭng Đăk Hà đei akŏp teh bri brăh hloh 84.500hek tar hăm kơ sô̆ kon pơlei hloh 87.000 ‘nu păng đei 18 hơdrĕch hơdrŭng ‘nhŏng oh vang arih sa. Hlôh vao hơdăh tơdrong gĭt kăl đơ̆ng tơdrong jang pơjing Tơdrong jang đĭ đăng kon pơlei vei lăng sơđơ̆ng teh đak ‘noh jĭ tơgop vei sơđơ̆ng tơ pôl, pơyua ăn tơdrong hơtŏk tơiung mŭk drăm, joh ayŏ, tơpôl kơ tơring, khei ‘năr âu ki apŭng Đăk Hà hlôi pơgơ̆r 188 jơ tơ roi tơbăt găh tơdrong jang đĭ đăng kon pơlei vei lăng sơđơ̆ng teh đak ăn hloh 37.400 ‘nu bơngai.

Pơma tơ̆ Năr akŏm, yă Trương Thị Ngọc Ánh, Phŏ Kơdră Anih jang Trung ương MTTQ Việt Nam athei khŭl kơdră, khŭl linh kơpal, khŭl grŭp tơpôl rim tơring kơ apŭng Đăk Hà, dêh char Kon Tum jơnơ̆ng hơtŏk loi dơ̆ng, tŭn pran hloh dơ̆ng Tơdrong jang đĭ đăng kon pơlei vei lăng sơđơ̆ng teh đak. Vă Tơdrong jang đĭ đăng kon pơlei vei lăng sơđơ̆ng teh đak roi ‘năr roi yak mơ̆t hrŭ să păng hơdăh ‘lơ̆ng.