Tơdrong pơlong hlôh vao, gơh tang găn glơ̆k kơ đak ‘măn kơ hơioh dêh char Kon Tum sơnăm 2024 đei tơdrong vang pơ long đơ̆ng 6 khŭl hăm hloh 180 ‘nu bơngai pơlong. Đĭ đăng dôm bơngai pơlong tă kơ lơ̆m sơnăm hơdruh tơdăm păh iung, hơioh pơtâp pơhrăm môn glơi tơ̆ dôm hơnih pơtho pơhrăm, Hơnih bơ̆jang Hơdruh tơdăm hơioh păng Kâu lak ƀô̆ glơi lơ̆m dêh char.

Lơ̆m 2 năr vang pơlong, đe oh pơjei băl tơ̆ glơi đông ngơk păng jơhngơ̆m đon hơdai băl đơ̆ng bôl buăl; trong jur dŏng bơngai glơ̆k mă ưh ‘noh tơƀôh trong ăn bơngai tơ̆ đak oei glơ̆k tŏk tơ̆ kông; trong glơi đông ngơk hơgei hloh; trong hrŭk ao đông ƀlep trong păng pơlong hơlen lăng hlôh vao glơi sơđơ̆ng kiơ̆ trong gơ gŭ teng neng măih.